Putin Yaxın Şərqdən Ukraynaya müzdlular gətirilməsinə razılıq verdi
Polemika
Putin Yaxın Şərqdən Ukraynaya müzdlular gətirilməsinə razılıq verdi
"Yaxın Şərq ölkələrindən olan 16 mindən çox könüllü Donetsk və Luqansk "respublikalar"ı tərəfində döyüş əməliyyatlarında iştirak etməyə hazırdır".
Polemika.az "RIA Novosti"yə istinadla xəbər verir ki, bunu Rusiyanın müdafiə naziri Sergey Şoyqu bildirib.
“Bizə azadlıq hərəkatında iştirak etmək üçün Luqansk və Donetsk Xalq Respublikalarına gəlmək istəyən müxtəlif ölkələrdən çoxlu sayda könüllülərdən müraciətlər daxil olur. Ən böyük rəqəm Yaxın Şərq ölkələrindəndir: artıq 16 mindən çox müraciət var”, - deyə Şoyqu Rusiya Federasiyası Prezidentinin Təhlükəsizlik Şurasının üzvləri ilə görüşündə bildirib.
“Əlbəttə ki, müraciətlərə müsbət cavab verməyi düzgün hesab edirik, xüsusən, ona görə ki, bu müraciətlər muzd üçün deyil, bu insanların həqiqi istəyidir”, - müdafiə naziri bildirib.
O, əlavə edib ki, bu könüllülərin çoxu son 10 ildə İŞİD-ə qarşı mübarizədə kömək ediblər.
Rusiya prezidenti Vladimir Putin Ukraynaya könüllülərin cəlb edilməsi ideyası ilə razılaşıb.
"Əgər görsəniz ki, könüllü olaraq, xüsusən də pul üçün deyil, gəlib Donbassda yaşayan insanlara kömək etmək istəyən insanlar var - yaxşı, yaxşı, onları yarı yolda qarşılamaq və döyüş bölgəsinə köçməsinə kömək etmək lazımdır" , - deyə o, Təhlükəsizlik Şurasının daimi üzvləri ilə görüşündə deyib.
Dövlət başçısının sözlərinə görə, Qərb sponsorları münaqişədə iştirak etmək üçün muzdlular topladığını gizlətmirlər və bunu beynəlxalq hüququn bütün normalarına məhəl qoymadan açıq şəkildə edirlər.
