Rəqibə kəllə atan azərbaycanlı futbolçuya sərt cəza

Oct 22, 2021 - 17:38

0 50

Rəqibə kəllə atan azərbaycanlı futbolçuya sərt cəza

AFFA İntizam Komitəsinin növbəti iclası keçirilib.

Polemika.az xəbər verir ki, iclasda Premyer Liqanın 7-ci turunda qeydə alınan neqativ hallara hüquqi qiymət verilib.

“Qəbələ” - “Zirə” oyununda “Qəbələ” klubunun azarkeşləri oyunun rəsmi şəxslərini təhqir etdiyi üçün klub 4000 manat cərimə olunub.

Matç bitdikdən sonra “Qəbələ” klubunun 7 nömrəli futbolçusu Ehtiram Şahverdiyev rəqibini başla vurduğuna görə birbaşa qırmızı vərəqə ilə meydandan kənarlaşdırıldığı üçün 4 oyun cəzalanıb, klub 3200 manat cərimə olunub.

“Sabah” - “Qarabağ” oyununda matçın 27-ci dəqiqəsində “Sabah” klubunun 9 nömrəli futbolçusu Xulio Sezar Rodrigez “aqressiv hərəkətə” görə birbaşa qırmızı vərəqə ilə meydandan kənarlaşdırıldığı üçün 2 oyun şərti olmaqla 4 oyun cəzalanır klub 3200 manat cərimə olunur. Sınaq müddəti 3 ay təyin edilib.

Görüşdə “Qarabağ” klubunun 4 futbolçusu sarı vərəqə ilə cəzalandırıldığı üçün klub 800 manat cərimə olunub.