Nəcməddin Sadıkovun düşdüyü qəza ilə bağlı rəsmi açıqlama
Nəcməddin Sadıkovun düşdüyü qəza ilə bağlı rəsmi açıqlama
Silahlı Qüvvələrin Baş Qərargahının keçmiş rəisi, general-polkovnik Nəcməddin Sadıkov qəzaya düşüb.
Bakı Şəhər Baş Polis İdarəsinin Dövlət Yol Polisi İdarəsinin baş inspektoru Araz Əsgərli Polemika.az-a bildirib ki, “Toyota Land Cruiser “ markalı, 90 AS 020 seriyalı avtomobili idarə edən vətəndaş Sadıkov Nəcməddin Hüseyn oğlu barəsində yol-nəqliyyat hadisəsinə uyğun olaraq İnzibati Xətalar Məcəlləsinin 327.1-ci maddəsinə əsasən protokol tərtib olunub.
DİN rəsmisinin sözlərinə görə, yol nəqliyyat hadisəsi sənədləşdirilib:
"Qanunvericiliyin tələblərinə uyğun olaraq, hadisə sənədləşdirilib. Digər nəqliyyat vasitəsinə dəymiş ziyan qarşılanıb. Nəcməddin Sadıkov barəsində tərtib olunmuş cəriməni ödəyib".