"Mərdimazarlıq etməyin" - Məleykə Əsədova
Polemika
"Mərdimazarlıq etməyin" - Məleykə Əsədova
“Həyatda nəsə itirə bilərsən, ancaq vicdanınızı, əqidənizi itirməyin, heç kimə pislik etməyin, öz işiniz xatirinə arxada planlar qurub …”
Polemika.az xəbər verir ki, bu sözləri Xalq artisti Məleykə Əsədova sosial şəbəkə hesabında yazıb.
İstirahət günündə hər işinə vaxt çatdırdığını bildirən aktrisa həmişə baxımlı olmağa çalışdığını deyib:
“İstirahət günümdə həmişəki kimi qızımın dərs məşqləri, evimlə, təmizliklə məşğulam. Gün mənə çatmır. Allah mənə güc və sağlam can versin ki, təkbaşına bütün işlərimin, həyat problemlərimin öhdəsindən gələ bilim.
Qadın kimi baxımlı olmağım özümə və tamaşaçılarıma hörmətdən irəli gəlir. Əslində, hər kəs öz işinin xidmətçisidir. Mən də işimlə, sənətimlə sizlərə layiqincə xidmət edirəm. Şükürlər olsun Allahıma, 33 ildir səhnədəyəm. Bu illər ərzində bir əqidədə olub, vicdanımla, vətənimə, dövlətimə, böyüklərimə, sənətimə, dostlarıma sadiq olmuşam. Bunu məni yaxından tanıyan hər kəs bilir. Həyatda nəsə itirə bilərsən, ancaq vicdanınızı, əqidənizi itirməyin, heç kimə pislik etməyin, öz işiniz xatirinə arxada planlar qurub mərdimazarlıq etməyin, qəlb qırmayın. İnanın ki, geci, tezi var...
Allah hər bir kəsin qəlbinin hisslərinin əvəzini verəcək. Hər kəs danışığı, yürütdüyü fikirlərlə, yazdığı komentlərlə öz beyninin düşüncələrinin, xarakterini, mədəniyyətini büruzə verir. İnsan adlanan varlıq ilk növbədə özünə hörmət etməlidir".
