"Ukrayna yalnız fəxri üzv ola bilər" - Alman deputat
Polemika
0
21
"Ukrayna yalnız fəxri üzv ola bilər" - Alman deputat
"Ukraynanın Aİ-yə qəbulunun sürətləndirilmiş proseduru həm Kiyevin özünə, həm də ittifaqın maraqlarına zərər verəcək".
Polemika.az “Die Welt”ə istinadla xəbər verir ki, bunu Almaniya Bundestaqının Xarici Əlaqələr Komitəsinin sədri Mixael Rot söyləyib.
Siyasətçinin fikrincə, Ukrayna hakimiyyətinin ümid edə biləcəyi maksimum fəxri üzvlükdür, çünki Avropa İttifaqının Balkan ölkələri hesabına genişləndirilməsi təcrübəsi səhvsiz deyildi.
Rot bildirib: "Sabit demokratik institutlar, rəqabətli bazar iqtisadiyyatı, fəaliyyət göstərən dövlət idarəçiliyi və korrupsiyaya qarşı effektiv mübarizə Aİ-yə üzvlük üçün vacibdir. 50 min səhifəlik Aİ qanunları milli qanunlara uyğunlaşdırılmalıdır. Bu, nəhəng bir işdir və bir gecədə baş verməyəcək".
