Mənsum İbrahimovdan qızının vəzifə təyinatı ilə bağlı AÇIQLAMA
Polemika
Mənsum İbrahimovdan qızının vəzifə təyinatı ilə bağlı AÇIQLAMA
Xəbər verdiyimiz kimi, Azərbaycanın xalq artisti, Milli Konservatoriyanın professoru Mənsum İbrahimovun qızının Xarici İşlər Nazirliyində yüksək vəzifəyə təyin edilməsi ilə bağlı məlumat yayılıb.
Bildirilir ki, Xarici İşlər Naziri Ceyhun Bayramovun müvafiq əmri ilə bir neçə gün əvvəl diplomatik rütübəsi artırılan Aysel İbrahimli birinci katib vəzifəsinə gətirilib.
Məsələ ilə bağlı Mənsum İbrahimov Bakupost.az-a açıqlama verib.
Xalq artisti qeyd edib ki, qızı 10 ildən çoxdur XİN sistemində işləyir:
“Əslində yazılanlar kimi xüsusi bir vəzifə yoxdur. Diplomatik sistemdə belə bir şey var ki, zamanı çatdıqda növbəti imtahan verirlər. Qızım Bakı Dövlət Universiteti və Azərbaycan Diplomatik Akademiyasını qırmızı diplomla bitirib. İki xarici dil bilir. 10 ildən çoxdur ki, XİN sistemində işləyir. Bu zamana qədər ikinci katib vəzifəsində çalışırdı. 6 ildən sonra, zamanı çatdı, imtahan verdi və birinci katib rütbəsi aldı”.
