Mariya Zaxarova Brüssel görüşü barədə: "Beynəlxalq səyləri alqışlayırıq"
Polemika
Mariya Zaxarova Brüssel görüşü barədə: "Beynəlxalq səyləri alqışlayırıq"
"Biz noyabrın 26-da əldə olunmuş razılaşmalardan çıxış edirik və tərəflərin xahişi ilə Rusiyanın məşvərətçi yardımı ilə Ermənistanla Azərbaycan arasında dövlət sərhədinin delimitasiyası və sonra demarkasiyası üzrə komissiyanın yaradılmasına doğru irəliləyirik".
Polemika.az "RIA Novosti"yə istinadla xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova Avropa İttifaqı Şurasının rəhbəri Şarl Mişelin Ermənistan-Azərbaycan sərhədinin delimitasiyası və demarkasiyası prosesinə Aİ-nin dəstəyini verməyə hazır olması barədə bəyanatını şərh edərkən deyib.
“Eyni zamanda, biz Ermənistan-Azərbaycan münasibətlərinin normallaşdırılmasına yönəlmiş beynəlxalq səyləri alqışlayırıq. Regional reallıqları, İrəvan və Bakının razılığını, eləcə də bundan əlavə dəyəri nəzərə almaq çox vacibdir. Öz tərəfimizdən məsləhətləşmələr də daxil olmaqla, tərəflərə bütün lazımi dəstəyi göstərməyə davam edəcəyik”, - deyə Zaxarova qeyd edib.
