Mahir "Legiya"dan gedir, yoxsa qalır? - "Danışıqlar aparırıq"
Polemika
Mahir "Legiya"dan gedir, yoxsa qalır? - "Danışıqlar aparırıq"
“Legiya”nın idman direktorunun müavini Pavel Tomçik Azərbaycan millisinin Varşava təmsilçisində oynayan üzvü Mahir Emreliyə azarkeşlərin hücum etməsi barədə danışıb.
Polemika.az xəbər verir ki, klub rəsmisi ölkə çempionatında “Visla” (Plotsk) ilə oyundan sonra varşavalı azarkeşlərin hücumuna məruz qalaraq xəsarət alan Mahir və braziliyalı Lukinyasla fərdi söhbətlər aparıldığını söyləyib. O, Polşa mətbuatına açıqlamasında deyib:
“Mahir Emreli və Lukinyasla danışmışıq. Onlar klubdan böyük dəstək alıblar. İdman baxımından heç də yaxşı an deyil. Biz futbolçuları və onların ailələrini dəstəkləməyə daha çox diqqət yetiririk. Ancaq bu kimi hallar kömək etmir”.
Pavel Tomçik Emreli və Lukinyasın “Legiya” ilə müqaviləyə xitam verərək komandadan ayrılacağı barədə yayılan məlumatlarla bağlı sualları da cavablandırıb. O, bu xəbərləri təkzib etməyib:
“Müqavilə məsələlərinə gəlincə, biz danışıqlar aparırıq. Hələlik təfərrüatları şərh etmək istəmirəm”.
