İsrail səfiri Azərbaycana başsağlığı verdi
Polemika
0
11
İsrail səfiri Azərbaycana başsağlığı verdi
İsrailin Azərbaycandakı səfiri Corc Dik Şuşanın Daşaltı kəndində mina partlayışı nəticəsində 2 mülki şəxsin həlak olması ilə bağlı başsağlığı verib.
Polemika.az xəbər verir ki, səfir bu barədə "Twitter" hesabında paylaşım edib.
"Azərbaycan xalqına və xüsusilə də bu gün minalarda həlak olanların ailələrinə dərin hüznlə başsağlığı veririk", - başsağlığında deyilir.
Qeyd edək ki, bu gün Şuşa rayonu ərazisində 2 nəfər mülki şəxs - “Voltac” podratçı şirkətinin əməkdaşı 1999-cu il təvəllüdlü Orxan Xanatov və “Cengiz İnşaat” MMC-nin əməkdaşı 1992-ci il təvəllüdlü Vüsal Qəndiyev qeyd edilən ərazidə təmir tikinti işləri apararkən minaya düşmələri nəticəsində həlak olublar.
