"Ermənistan Qarabağdan imtina etsə, bu, mümkündür” - Robert Koçaryan
Polemika
"Ermənistan Qarabağdan imtina etsə, bu, mümkündür” - Robert Koçaryan
“2020-ci il müharibəsi bəzi problemləri üzə çıxardı”.
Polemika.az “Aysor”a istinadla xəbər verir ki, bu sözləri Ermənistanın ikinci prezidenti Robert Koçaryan keçirdiyi mətbuat konfransında deyib:
“Bu günə qədər Gürcüstanın hava məkanının hərbi yüklərin daşınması üçün niyə bağlandığına dair heç bir cavab yoxdur. Səlahiyyətlilərimiz hesablayıblar ki, hava məkanı bağlana bilər, ya yox? Müharibənin ilk iki həftəsində İranın hava məkanının niyə bağlanması ilə bağlı bu günə qədər heç bir cavab yoxdur. Bu iki amil müharibənin nəticəsinə ciddi təsir göstərib”.
O bildirib ki, Rusiyanın Qarabağ nizamlanmasında vasitəçiliyi bu ölkənin addım atmaq azadlığını xeyli məhdudlaşdırır.
“Biz sıfırdan yeni hərbi-sənaye kompleksi yaratmalıyıq, əks halda biz mütləq eyni problemlə üzləşəcəyik. Sual yaranır ki, biz bütün bunları öz gücümüzlə edə biləcəyik, ya yox? Cavab birmənalı olaraq yox. Anlamaq lazımdır ki, Rusiya bu həcmdə yardıma - Ermənistan üçün əməkdaşlığa nə dərəcədə hazırdır", - Koçaryan bildirib.
“Türkiyə-Azərbaycan təhlükəsini aşılmaz amil kimi qəbul etmək, o təhlükəyə boyun əymək. Türkiyə siyasi proseslərimizə total təsiri olarsa, yalnız bir halda bizi maneə kimi görməkdən əl çəkəcək. Bu o deməkdir ki, Türkiyə iqtisadiyyatımızda dominant mövqeyə malik olmalı və siyasi elitamıza tam təsir göstərməlidir. Bu nə vaxt mümkündür, Rusiyanın buradakı varlığı dayanmağa başlayanda və Ermənistan Qarabağdan ümumiyyətlə imtina etsə, bu, mümkündür”, - Robert Koçaryan bildirib.
Onun sözlərinə görə, bu siyasət şübhəsiz ki, ABŞ-ın dəstəyini qazanacaq.
“Gördüyüm bütün prosesləri birləşdirərək Ermənistan ikinci varianta keçdi. Ermənistan bu yolla gedir. Fərq ondadır ki, Cənubi Qafqazda güclü müttəfiqinin olması Rusiyanın marağındadır. Biz son müharibəyə qədər belə idik. Türkiyə üçün çox zəif Ermənistanın olması maraqlıdır, çünki yalnız bu halda Ermənistan uzun məsafəli türk proqramları üçün maneə ola bilməz”.
Koçaryanın sözlərinə görə, bütün sorğular göstərir ki, erməni xalqı hələ də belə inkişafa hazır deyil:
“Amma Gürcüstan nümunəsi gözümün qabağında idi. Mən gördüm ki, aktiv təbliğat vasitəsilə insanların əhval-ruhiyyəsi necə dəyişib, hansı anti-Rusiya təbliğatı aparılıb. Bu Gürcüstanda çoxdan kök salıb. Mənim təəssüratıma görə, bu gün biz ikinci variantla gedirik”.
