2021-ci ilin itkiləri: Aramızdan kimlər getdi...
Polemika
2021-ci ilin itkiləri: Aramızdan kimlər getdi...
Arxada qoyduğumuz hər il həm də itkilərlə yadda qalır. 2021-ci ildə də itirdiklərimiz az olmayıb. Bu il Azərbaycan mədəniyyət və incəsənətində özünəməxsus iz qoyan bir çox məşhur simanı bizdən alıb.
Polemika.az geridə qoymağa hazırlaşdığımız ildə vəfat edən məşhurları təqdim edir:
Ramiz Əzizbəyli
Azərbaycanlı kinorejissor, aktyor. Xalq artisti 20 iyul 1948-ci ildə Bakı şəhərində anadan olub. 1991-ci ildə isə "Bəxt üzüyü" tammetrajlı bədii filmini çəkib.
Fikrət Qoca
Azərbaycan Yazıçılar Birliyinin birinci katibi, Azərbaycan Respublikasınının Xalq şairi. 1935-ci il avqustun 25-də Ağdaş rayonunun Kotanarx kəndində anadan olub.
Arif Quliyev
Aktyor, Azərbaycan SSR Əməkdar artisti, Azərbaycan Respublikasının Xalq artisti. 16 may 1950-ci ildə Şirvan şəhərində dünyaya gəlib.
Səyyad Əlizadə
Səyyad Əlizadə bu ilin sentyabrında Covid-19 xəstəliyindən vəfat edib. Füzuli rayonunun Babı kəndində valideynlərinin yanında torpağa tapşırılıb.
Səməd Səmədov
Azərbaycan Respublikasının Xalq artisti. 1946-cı il, sentyabrın 17-də Aşqabadda anadan olub. 2000-ci ildə “Toylar Kralı” adını qazanıb.
Aslan Hüseynov
Azərbaycanın məşhur müğənnisi. 1967-ci il mayın 17-də Qazaxıstanın Cambul vilayətində anadan olub. O, avtomobil qəzasında dünyasını dəyişib.
Baloğlan Əşrəfov
Müğənni, Azərbaycan Respublikasının Əməkdar artisti. 1951-ci il oktyabrın 8-də Masallı rayonunun Bədəlan kəndində anadan olub. Sənətçi koronavirusdan dünyasını dəyişib.
Zöhrə Abdullayeva
Zöhrə Abdullayeva 28 may 2021-ci ildə uzun sürən ağır xəstəlikdən sonra vəfat edib.
Yaqub Zurufçu
Əslən İran azərbaycanlısı olan vokalist, müğənni Yaqub Zurufçu 1956-cı ildə aprelin 8-də Təbriz şəhərinin Çərandab məhəlləsində anadan olub. Görkəmli sənətkar 14 sentyabr 2021-ci ildə 65 yaşında vəfat edib.
Rafiq Hüseynov
"Rəmiş" ləqəbi ilə tanınan Xalq artisti Rafiq Hüseynov da bu il aprelin 5-də vəfat edib. O, ağ ciyərində olan problemlərdən əziyyət çəkirdi.
Canəli Əkbərov
Xanəndə, professor, Azərbaycan Respublikasının Xalq artisti Canəli Əkbərov 22 okytabrda insultdan dünyasını dəyişib.
Əsmətxanım
