“Ya Kəmaləddin Heydərovun pulu qurtarıb, ya da...”
Polemika
“Ya Kəmaləddin Heydərovun pulu qurtarıb, ya da...”
“Ey gidi dünya. Əvvəllər ölkədə bir neçə idman federasiyası Kəmaləddin Heydərovun cibinə baxırdı, indi daha Kamaləddin müəllim favorit deyil, boks federasiyasına da onu çıxarıb Sahil Babayevi təyin ediblər”.
“Polemika.az” xəbər verir ki, bunu sosial şəbəkədə iqtisadçı ekspert Natiq Cəfərli yazıb. K. Heydərovun Boks Federasiyasının prezidenti postundan grtməsi, yerinə Sahil Babayevin seçilməsinin səbəbi haqda ekspert ehtimalını səsləndirib:
“Ya Kamal müəllimin pulu qurtarıb, ya ona olan güvən tükənib, ya da Sahil Babayev daha çox varlanıb ki, boksun xərclərini də ona yüklədilər.
Ölkədə idmanda belə heç nə dəyişmək istəmirlər, korrupsiya pulları ilə idman saxlayırlar, əgər qədim Afinada bilsəydilər ki, sağlamlığa, dostluğa, rəqabətə xidmət etməli olan idmanı bir neçə min ildən sonra Azərbaycan məmurları çirkli pulları ilə saxlayacaqlar, bəlkə də, heç Olimpiada zad kəşf etməzdilər”.
