Üçtərəfli İşçi Qrup yaxın günlərdə yenidən görüşəcək
Polemika
Üçtərəfli İşçi Qrup yaxın günlərdə yenidən görüşəcək
Ermənistan, Rusiya və Azərbaycan Baş nazir müavinlərinin həmsədrliyi ilə üçtərəfli işçi qrupun dekabrın 1-də keçirilən növbəti iclası yaxın günlərdə davam edəcək.
Polemika.az “Armenpress”ə istinadla xəbər verir ki, bu barədə Ermənistan Baş nazirinin müavini Mqer Qriqoryanın ofisindən məlumat verilib.
“Nəticələr barədə yalnız iclasdan sonra danışmaq mümkün olacaq”, - deyə ofisdən bildirilib.
Xatırladaq ki, dekabrın 1-də Moskvada Ermənistan, Rusiya və Azərbaycan baş nazirlərinin müavinlərinin sədrliyi ilə üçtərəfli işçi qrupun iclası keçirilib.
Bölgədəki bütün iqtisadi və nəqliyyat əlaqələrinin açılması üzərində işləmək üçün üçtərəfli işçi qrupu yaradılıb.
Noyabrın 26-da Ermənistan, Rusiya və Azərbaycan liderlərinin Soçidə keçirilən üçtərəfli görüşünün yekunlarına əsasən, Rusiya prezidenti Vladimir Putin baş nazir müavinlərinin Moskvada bir araya gələcəklərini bəyan edib.
Qeyd olunur ki, ilin sonuna kimi iki ölkə arasında delimitasiya və demarkasiya mexanizmlərinin yaradılması planlaşdırılır.
