Teatr direktoru 49 min pul mənimsəyib
Polemika
Teatr direktoru 49 min pul mənimsəyib
Qax rayon Dövlət Kukla Teatrının keçmiş direktorunun qanunsuz əməli ifşa olunub.
Bu barədə Polemika.az-a Baş Prokurorluğun Mətbuat Xidmətindən məlumat verilib.
Qeyd olunub ki, Qax rayon Dövlət Kukla Teatrında mənimsəmə faktı ilə bağlı Qax rayon prokurorluğunda Cinayət Məcəlləsinin 179.2.3 və 179.2.4 (şəxs tərəfindən öz qulluq mövqeyindən istifadə etməklə xeyli miqdarda ziyan vurmaqla mənimsəmə) maddələri ilə cinayət işi başlanaraq istintaq aparılıb.
İstintaqla müəyyən edilib ki, teatrın sabiq direktoru Nazim Mahmudov işlədiyi dövrdə bir neçə şəxsin əmək fəaliyyətini həyata keçirmədiyi halda adlarına olan əmək haqqı kartlarına köçürülən ümumilikdə 48 min 554 manat məbləğində pul vəsaitini öz qulluq mövqeyindən sui-istifadə etməklə mənimsəyib.
İstintaq müddətində dövlətə dəymiş ziyan tam şəkildə dövlət büdcəsinə ödənildiyindən, iş üzrə icraata cinayət-prosessual qanunvericiliyin tələblərinə əsasən xitam verilib.
Elə bu səbəbdən mədəniyyət naziri Anar Kərimov müvafiq əmr imzalayıb, Nazim Mahmudov işdən çıxarılıb.
