Suraxanıda Ümummilli Lider Heydər Əliyevin anım günü qeyd edildi - Fotolar
Polemika
Suraxanıda Ümummilli Lider Heydər Əliyevin anım günü qeyd edildi - Fotolar
Bütün ömrünü xalqa xidmətə həsr edən Ümummilli Lider Heydər Əliyevin anım günü ilə əlaqədar dekabrın 12-də Suraxanı Rayon İcra Hakimiyyətinin başçısı Əziz Əzizov, müavinlər, RİHBA-nın şöbə müdirləri və əməkdaşları, RİHB-nin inzibati ərazi dairəsi üzrə nümayəndəliklərinin və qəsəbə bələdiyyələrinin kollektivləri Ulu Öndərin Suraxanı rayonu, Heydər Əliyev parkında ucalan abidəsini ziyarət ediblər və abidə önünə gül dəstələri düzüblər.
Polemika.az xəbər verir ki, bu barədə Suraxanı Rayon İcra Hakimiyyətindən məlumat verilib.
"Heydər Əliyev Azərbaycan tarixində müstəqil və suveren dövlətin simvolu, cəsur insan kimi qalıb. Bu gün ölkəmizin əldə etdiyi bütün uğurlar bu dahi şəxsiyyətin adı ilə bağlıdır.
Misilsiz xidmətlərinə, bugünkü əmin-amanlığa, firavanlığa görə Ulu Öndər Heydər Əliyev rayon sakinləri tərəfindən həmişə minnətdarlıqla xatırlanır və ehtiramla yad olunur.
Allah rəhmət etsin!" - məlumatda deyilir.
