Qazaxıstandakı iğtişaşlarda saxlanılanların sayı altı min nəfərə çatdı
Polemika
0
27
Qazaxıstandakı iğtişaşlarda saxlanılanların sayı altı min nəfərə çatdı
Qazaxıstanda iğtişaşlar zamanı saxlanılanların sayı 5969 nəfərə çatıb.
“Xabar 24” telekanalının məlumatına görə, onların arasında əcnəbilər də var.
Əməliyyat qərargahının iclasında bildirilib ki, təhlükəsizlik qüvvələri təmizləmə işlərini davam etdirir. Hazırda bütün bölgələrdə vəziyyət sabitləşib.
“Hüquq-mühafizə orqanları əvvəllər zəbt olunmuş bütün inzibati binaları boşaldıb, kommunal obyektlərin işi bərpa olunur. Həmçinin terrorçuların axtarışı və həbsi davam etdirilir”, - deyə məlumatda bildirib.
Bazar günü səhər hakimiyyət Almatıda 850, Çimkənddə isə 400-ə yaxın etirazçının saxlandığını bəyan edib.
Xatırladaq ki, Qazaxıstanda iğtişaşlar maye qazın bahalaşmasına etiraz olaraq başlayıb. Hazırda ölkədə fövqəladə vəziyyət hökm sürür./Oxu.az
