"Legiya" Mahirin ötürməsi ilə qalib oldu
Polemika
0
54
"Legiya" Mahirin ötürməsi ilə qalib oldu
Azərbaycan millisinin üzvü Mahir Emrelinin də çıxış etdiyi "Legiya" bu gün Polşa çempionatında növbəti oyununu keçirib.
Polemika.az xəbər verir ki, Varşava təmsilçisi 16-cı turda "Yaqelloniya" ilə üz-üzə gəlib. Görüş "Legiya"nın 1:0 hesablı qələbəsi ilə başa çatıb. Start heyətdə meydana çıxan Mahir sonadək mübarizə aparıb. Komandasının yeganə qolunun ötürməsini də Emreli verib.
Beləliklə, ardıcıl 7 oyundur uduzan "Legiya" nəhayət uğursuz seriyaya son qoyub.
Bu nəticədən sonra paytaxt təmsilçisi turnir cədvəlində 12 xalla 16-cı pillədə qərarlaşıb. "Legiya" digər komandalardan 2 oyun az keçirib.
28 noyabr
20:30. "Legiya" - "Yaqelloniya" - 1:0
Qol: Yohansson, 45
