Kremlin uzun masası: Makron "rus testi"ndən keçməyib
Polemika
Kremlin uzun masası: Makron "rus testi"ndən keçməyib
Fransa prezidenti Emmanuel Makron prezident Vladimir Putinlə görüşə gələndə Kremlin COVID-19 üçün "Rusiya testi" tələbini rədd edib və buna görə də Rusiya lideri ilə məsafədə saxlanılıb.
Polemika.az "Reuters"ə istinadla xəbər verir ki, bunu Makrona yaxın iki mənbə bildirib.
Fransa prezidentinin sağlamlıq protokolu ilə tanış olan iki mənbə deyib ki, Makronun seçimi var idi: ya o, Rusiya səlahiyyətliləri tərəfindən aparılan PCR testinə razı olmaq və bu zaman Putinə yaxınlaşmağa icazə veriləcəkdi, ya da imtina edib daha sərt sosial tələblərə əməl etməyə məcbur olacaqdı.
“Biz onlara prezidentin DNT-sini əldə etmələrinə imkan verə bilməzdik”, - mənbələrdən biri Fransa liderinin rusiyalı həkimlər tərəfindən testdən keçiriləcəyi təqdirdə təhlükəsizlik baxımından "Reuters"ə izah edib.
Kremlin sözçüsü hələlik "Reuters"in şərh sorğusuna cavab verməyib.
Makrona yaxın ikinci mənbə Makronun Rusiya PCR testindən imtina etdiyini təsdiqləyib. Mənbə bildirib ki, Makron getməzdən əvvəl Fransanın PCR testi və Rusiyadakı öz həkimi tərəfindən antigen testi keçirib.
Eyni zamanda, Makron və Putinin görüşündən üç gün sonra Rusiya lideri Qazaxıstan prezidenti Kasım-Jomart Tokayevi qəbul edib. İki kişi əl sıxaraq bir-birinin yanında oturub, onları yalnız kiçik bir qəhvə stolu ayırıb.
