İranda sel fəlakəti: 6 nəfər öldü
İranda sel fəlakəti: 6 nəfər öldü
Ötən gün İranın Fars və Kirman əyalətlərində baş vermiş sel və daşqınlarda ölənlərin sayı 6 nəfərə çatıb.
Polemika.az xəbər verir ki, bunu İranın Qırmızı Aypara Cəmiyyətinin sədri Mehdi Vəlipur deyib.
Onun sözlərinə görə, hadisə baş verən bölgələrə 500 əməliyyat qrupu ezam olunub, 3 min nəfərdən çox insan sığınacaqlara yerləşdirilib, 20 min nəfərə yardım göstərilib.
O, seldən ən çox Minab və ətraf kəndlərin ziyan gördüyünü vurğulayıb.
Qeyd edək ki, bundan öncə seldən 3 nəfərin öldüyü bildirilmişdi.