Cəlilabadda narkotikin təsiri altında avtomobil idarə edən şəxs tutuldu - Foto
Polemika
0
15
Cəlilabadda narkotikin təsiri altında avtomobil idarə edən şəxs tutuldu - Foto
Cəlilabad Rayon Polis Şöbəsinin Dövlət Yol Polisi Bölməsinin əməkdaşları tərəfindən rayon ərazisində hərəkətdə olan “Chevrolet” markalı avtomobilin sürücüsü qayda pozuntusuna yol verdiyi üçün ona “saxla” işarəsi verilib.
Daxili İşlər Nazirliyinin Mətbuat Xidmətinin Lənkəran regional qrupundan Polemika.az-a verilən məlumata görə, həmin nəqliyyat vasitəsini idarə edən Cəlilabad rayon sakini C.Niftioğlunun narkotik vasitə qəbul etməsinə dair şübhələr olduğundan o, polis şöbəsinə gətirilib və müvafiq tibbi müayinədən keçirilməsi təmin edilib.
Müayinənin nəticəsinə əsasən C.Niftioğlunun narkotik vasitədən istifadə etdiyi məlum olub.
Onun barəsində toplanmış materiallar hüquqi qiymət verilməsi üçün Cəlilabad Rayon Məhkəməsinə göndərilib.
