Çingiz Abdullayevin qalmaqallı çıxışının videosu yayıldı
Polemika
Çingiz Abdullayevin qalmaqallı çıxışının videosu yayıldı
“Birinci Qarabağ müharibəsi olmayıb, belə deməyin, bu yalandır”.
“Polemika.az” xəbər verir ki, bunu Azərbaycan Yazıçılar Birliyinin birinci katibi, Xalq yazıçısı Çingiz Abdullayev deyib. Yazıçı 44 günlük müharibəni Qarabağ müharibəsi kimi səciyyələndirib:
“Əvvəlllər Sovet qoşunlarından istifadə edib Sovet tankları ilə bizim torpaqlarımızı alırdılar. Bizim ordumuz olmayıb. Xocalıya girən 366-cı motoalayın komandiri Sergey Aqonariyan idi. Əsl müharibə 44 günlük müharibə oldu. Bizim bu müharibədə komandirimiz möhtərəm prezidentimiz olub.
Azərbaycanda 1988-ci ildən 1993-cü ilədək 7 rəhbər dəyişib. Mən belə deyəndə azərbaycanlılar inanmır. Heydər Əliyev bizi xilas etdi. Mən bunu onun oğlu prezidentdir deyə demirəm. Mən bunu həqiqət olduğu üçün deyirəm. Prezident İlham Əliyev sa ğolsun ki, torpaqların azad olunmasına başçılıq etdi”.
