“Ola bilsin məni sonuncu dəfə sağ görürsünüz” - Zelenski
Polemika
“Ola bilsin məni sonuncu dəfə sağ görürsünüz” - Zelenski
İsveçin Baş naziri Maqdalena Anderson Ukrayna Prezidenti Vladimir Zelenskinin Avropa İttifaqı liderləri ilə vidalaşdığını açıqlayıb.
Anderson bu barədə Aİ liderlərinin Rusiyanın Ukraynaya hərbi müdaxiləsi səbəbindən Brüsseldə fövqəladə iclasından sonra açıqlama ilə çıxış edib.
"O, bunkerdən Zirvəyə qatılmışdı. İclasın sonunda "Bəlkə də, məni dövlət başçısı olaraq son görüşünüz ola bilər. Məni sağ görən son insanlar ola bilərsiniz" deyərək, bizə vida etdi", - Baş nazir bildirib.
Zelenskinin vidası ilə bağlı xəbərlər tezliklə dünyanın bir çox mətbuat orqanları tərəfindən tirajlanıb, sosial şəbəkələrdə gündəm olub.
Milli.Az bildirir ki, The Washington Post isə ABŞ və Ukraynanın yüksəkçinli məmurlarına istinadən Vaşinqton Zelenskinin Kiyevdən təxliyyəsinə yardım etməyə hazır olduğunu məlumat verib.
"Amerikalıların belə addıma haır olmalarının səbəbi Kiyevə hüucum edən rusiyalı qoşunların V.Zelenskini əsir almasına və ya qətlə yetirilməsinə imkan verməməkdir. Amerikalı məmurlar son günlər V.Zelenski ilə təhlükəsizliklə bağlı müxtəlif məsələləri, o cümlədən hökumətin fasiləsiz işini təmin etmək üçün daha təhlükəsiz məkanların təminatını müzakirə ediblər. Zelenski isə Kiyevi tərk etmək istəmir", - The Washington Post bildirib.
V.Zelenski Ağ Evin təklifini qəbul etməyib, Kiyevi tərk etməyəcəyini bildirib.
Xatırladaq ki, Ukrayna Prezidenti bir qədər əvvəl "Rusiya ordusu məni bir nömrəli hədəf, ailəmi isə iki nömrəli hədəf elan edib" demişdi.
