Mehriban Xanlarova da Firuzə İbadovanı dəstəklədi
Polemika
Mehriban Xanlarova da Firuzə İbadovanı dəstəklədi
Əməkdar artist Mehriban Xanlarova müğənni Firuzə İbadova barədə danışıb.
Polemika.az xəbər verir ki, aktrisa müğənninin ev istəməsi məsələsinə münasibət bildirib:
"Sənətkarlara sağkən layiq olduqları dəyər, ədalətli şəkildə verilməlidir. Çünki daha sonra gec olur. Ömrünün yarısını Azərbaycan mədəniyyətinə həsr etmiş Məhəbbət Kazımov, Baloğlan Əşrəfov və Zöhrə Abullayeva kimi sənətkarların "Əməkdar artist" fəxri adı ilə dünyalarını dəyişməsi, bir çox insanları məyus etmişdi. Firuzə İbadova da ömrünün yarısını Azərbaycan mədəniyyətinin inkişafına həsr edib. Gec olmadan, layiq olduğu dəyəri görməlidir. İnanıram ki, tez bir zamanda Firuzə xanımın sosial durumunun yaxşılaşdırılması üçün və sənət fəaliyyətinə aidiyyəti qurumlar tərəfindən diqqət və qayğı göstəriləcək".
Qeyd edək ki, Firuzə İbadova 32 kvadratmetrlik şəraitsiz evdə yaşadığını bildirib.
O, yaşayışının yaxşılaşdırılması üçün dövlətdən yardım istəyib.
