İndoneziyanın paytaxtı dəyişdirilir
İndoneziyanın paytaxtı dəyişdirilir
İndoneziya parlamenti plenar iclasda paytaxtın Şərqi Kalimantan əyalətinə köçürülməsi haqqında qanun layihəsini təsdiqləyib.
Polemika.az "CNN Indonesia"ya istinadla xəbər verir ki, iclasda 575 deputatdan 305-i iştirak edib.
Yanvarın 17-də İndoneziyanın milli inkişafı planlaşdırma naziri Suharso Monoarfa yeni paytaxtının Nusantara adlandırılacağını elan edib.
İndoneziya prezidenti Coko Vidodo 2019-cu ildə paytaxtı Cakartadan köçürməyi planlaşdırdığını açıqlayıb.
Bu məqsədlər üçün 32 milyard dollara yaxın vəsait ayrılıb. Lakin koronavirus pandemiyasına görə layihənin icrası dayandırılıb. İki ildən sonra bərpa olunması planlaşdırılır.