“Heç bir vəzifə istəmirəm, yaşamaq istəyirəm” - Saakaşvili
Polemika
0
54
“Heç bir vəzifə istəmirəm, yaşamaq istəyirəm” - Saakaşvili
Hazırda 12 saylı Rustavi həbsxanasında saxlanılan Gürcüstanın keçmiş Prezidenti Mixail Saakaşvili yeni müraciət yollayıb.
Polemika.az xəbər verir ki, müraciəti gürcü siyasətçi ilə görüşdən sonra vəkil Georgi Qelxauri səsləndirib.
Saakaşvili müraciətdə heç bir vəzifəyə ehtiyac duymadığını və yalnızca azadlıq istədiyini bildirib.
"Heç bir vəzifə istəmirəm. Yaşamaq istəyirəm, azadlıq istəyirəm. Mən azad, xoşbəxt insanların arasında Gürcüstanda sərbəst hərəkət etmək imkanı istəyirəm”, - deyə Saakaşvili qeyd edib.
Sabiq Prezidentin sözlərinə görə, ölkə rəhbərliyi tərəfindən onun əfv ediləcəyinə ümid etmək lazım deyil, onu və ölkəni yalnızca gürcü xalqı azad edə bilər./Sfera.az
