Elxan Məmmədov Aslan İsmayılovdan danışdı
Polemika
Elxan Məmmədov Aslan İsmayılovdan danışdı
AFFA-nın icraçı vitse-prezidenti Elxan Məmmədov tanınmış vəkil Aslan İsmayılovu məhkəməyə vermələrinə münasibət bildirib.
Polemika.az xəbər verir ki, Məmmədov bu gün keçirilən mətbuat konfransında məsələ ilə bağlı açıqlama verib:
“Həmin şəxs sosial şəbəkədə AFFA rəhbərliyini, işçilərini əsassız ittiham etmişdi. Sübutsuz, əsas olmadan belə açıqlamalar qeyri-peşəkarlıq deməkdir. Biz də susa bilmərik. Tanınmış insandır, televiziyalara çıxır, tez-tez açıqlama verir. Bu üzdən belə ittihamlar biz tərəfdən qəbul olunmur. AFFA əməkdaşlarının əksəriyyəti onu fərdi olaraq məhkəməyə vermək istəyirdi. Dedik ki, lazım deyil, qurum olaraq iddia qaldırdıq və məhkəməni udduq. Əsassız kimsə kimisə ittiham edirsə, cavab verməlidir. Məhkəmə işi də təxminən 3 ay sürdü. Mən düşünürdüm ki, niyə belə uzun çəkdi? Məhkəmə yəqin ki, sübutları, əsasları gözləyirdi. Sonda düzgün, ədalətli qərar qəbul etdi”.
