Corc Floydun bacısı qızı güllələndi
Corc Floydun bacısı qızı güllələndi
Polis işğəncəsinin qurbanı kimi bütün dünyada tanınan qaradərili amerikalı Corc Floydun 4 yaşlı bacısı qızı Ariana Dilan yatağında güllələnib.
Polemika.az "New York Post"a istinadla xəbər verir ki, bu barədə Texas polisi məlumat yayıb.
Gllələr onun ağciyərini və qaraciyərini deşib və 3 qabırğasını sındırıb. Təcili əməliyyatdan sonra qızcığazın vəziyyəti sabitləşib.
Ariana Hyustonda, gecə saat 3 radələrində mənzildə olan dörd böyük və iki azyaşlı uşaqdan biri olub.
Polisin verdiyi açıqlamada basqının motivinin bilinmədiyi qeyd olunub.
Ariana Dilan mərhum dayısının müdafiəsi üçün ailəsi ilə birlikdə tez-tez nümayişlərdə görünüb.
Xatırladaq ki, 46 yaşlı Corc Floydun öldürülməsi ilə bağlı videonun yayılması ABŞ-da irqçilik və polis zorakılığına qarşı etiraz dalğasına səbəb olub. Minneapolisin keçmiş polis zabiti Derek Şovin Floydu öldürdüyünə görə 20 ildən artıq həbs cəzasına məhkum edilib.