Budapeştdə Zəfər Gününə həsr olunmuş futzal turniri keçirilib
Polemika
Budapeştdə Zəfər Gününə həsr olunmuş futzal turniri keçirilib
Macarıstanın paytaxtı Budapeşt şəhərində Zəfər Gününə həsr edilmiş "Victory CUP" adlı futzal turniri keçirilib.
Polemika.az xəbər verir ki, Azərbaycanın səfirliyin təşəbbüsü və təşkilatçılığı, Diasporla İş üzrə Dövlət Komitəsinin dəstəyi ilə baş tutan turnirdə Macarıstan universitetlərinin tələbələrindən ibarət 8 komanda iştirak edib.
Turnirdə qalib gələn Eötvöş Lorand Universitetinin komandasını ölkəmizin səfiri Tahir Tağızadə Zəfər Kuboku ilə mükafatlandırıb. Həmçinin ikinci və üçüncü yerləri tutan Macarıstan Fiziki Universitetinin və Korvinus Universitetinin komandalarına medallar və hədiyyələr təqdim edilib.
Turnirdə qalib gələn komandanın noyabr ayının sonlarında Azərbaycana səfəri və “Qarabağ” futbol klubunun təlim-məşq toplantılarında, həmçinin oyunlarında iştirakı nəzərdə tutulur.
Mehri Qurban
