Bu ölkədə “iPhone 16” modellərinin satışı QADAĞAN olundu

İndoneziya “Apple”ın investisiya vədlərini yerinə yetirməməsi səbəbilə “iPhone 16”nın satışını qadağan edib.

Lent.az xəbər verir ki, İndoneziya hökuməti “Apple”ın ölkəyə qoyduğu sərmayələri tamamlamasını gözləyir.

Şirkətin İndoneziyada “Apple Akademiyaları” yaratmaq və yerli istehsal müəssisələri açmaq planları var.

Lakin “Apple” hələ də vəd etdiyi sərmayəni tam ödəmədiyi üçün İndoneziya hökuməti “iPhone 16”nın satışını qadağan edib.

İndoneziya vətəndaşları “iPhone 16”nı xaricdən gətirə biləcəklər. Ancaq bunun üçün vergi ödəməli və telefonu başqa ölkəyə satmamalıdırlar.