Qarabağ FK Avstriyaya səfər etdi - Maraqlı görüntülər

Bu gün "Qarabağ FK" yay təlim-məşq toplanışı üçün Avstriyaya yollandı. Qarabağ Futbol Klubunun mətbuat xidməti bu barədə məlumat yayıb.

Ağdamın fəxri təmsilçisi Tirolda 4 yoldaşlıq oyunu keçirməyi planlaşdırır. Baş məşqçi Qurban Qurbanovun rəhbərlik etdiyi komanda iyulun 9-da Bakı vaxtı ilə saat 14:30-da Almaniyanın 2-ci bundesliqa klubu "Kaiserslautern" ilə qarşılaşacaq. Həmin gün saat 20:00-da isə Çexiyanın yüksək liqasının məşhur klubu "Viktoria Plzen" ilə üz-üzə gələcək.

"Qarabağ FK" un daha iki rəqibi hələlik müəyyən edilməyib. Təlim-məşq toplanışı zamanı komandanın yeni taktiki hazırlıqları və oyun strategiyaları üzərində işləməsi gözlənilir. Bu səfər zamanı "Qarabağ"ın həm də yeni oyunçuları sınamaq imkanı olacaq.