ABŞ Misirə 2,5 milyardlıq silah satışını təsdiqlədi
Polemika
0
15
ABŞ Misirə 2,5 milyardlıq silah satışını təsdiqlədi
ABŞ Dövlət Departamenti çərşənbə axşamı Misirə 2,5 milyard dollarlıq silah satışını təsdiqlədiyini açıqlayıb.
Dövlət Departamenti Misir hökumətinə 2,2 milyard dollara 12 ədəd "C-130J-30 Super Hercules" təyyarəsinin və müvafiq avadanlıqların, həmçinin 355 milyon dollara üç "SPS-48" yerüstü hava hücumundan müdafiə radarının satışını təsdiqləyib.
“Təklif edilən satış Yaxın Şərqdə mühüm strateji tərəfdaş olmaqda davam edən NATO üzvü olmayan əsas müttəfiqin təhlükəsizliyini gücləndirməyə kömək etməklə ABŞ-ın xarici siyasətini və milli təhlükəsizliyini dəstəkləyəcək”, - agentliyin press-relizində deyilir.
