“Kreml tarixdən dərs almayıb" - Britaniyalı nazir
Polemika
“Kreml tarixdən dərs almayıb" - Britaniyalı nazir
"Qərb Soyuq müharibədən bəri hər zaman olduğundan daha cəsarətli olan diktaturalara qarşı demokratiya uğrunda birgə mübarizə aparacaq".
Polemika.az "Reuters"ə istinadla xəbər verir ki, bunu Britaniyanın xarici işlər naziri Liz Trass deyib.
Onun sözlərinə görə, Qərb qlobal təhdidlərə birgə cavab verməli, Hind-Sakit okean regionunda demokratiya ilə əlaqələri dərinləşdirməli və qlobal təcavüzkarları dəf etməlidir.
Trass Sidneydəki Lou İnstitutunda çıxışı zamanı deyib: “Qlobal təcavüzkarlar soyuq müharibədən bəri gördüyümüzdən daha cəsarətlidirlər. Onlar diktaturanı xidmət kimi dünyaya ixrac etməyə çalışırlar. Ona görə də Belarus, Şimali Koreya və Myanma kimi rejimlər ən yaxın müttəfiqlərini Moskva və Pekində tapırlar”.
O qeyd edib ki, Qərb xüsusilə Sakit okean regionunda “qlobal təcavüzkarları dəf etmək üçün Avstraliya, İsrail, Hindistan, Yaponiya və İndoneziya kimi müttəfiqlərlə işləməlidir. Azad dünyanın ayağa qalxmasının vaxtıdır".
Trass Rusiya prezidenti Vladimir Putini böyük strateji səhvə yol verməzdən əvvəl Ukraynadan geri çəkilməyə çağırıb:
“Kreml tarixdən dərs almayıb və Sovet-Əfqan müharibəsindən və Çeçenistandakı münaqişədən bildiyimiz kimi, işğal yalnız dəhşətli faciəyə və insan itkisinə səbəb olacaq”.
