Xuraman Şuşalıdan sərt sözlər: "Bu, şərəfsizliyin ən son həddidir!”
Polemika
Xuraman Şuşalıdan sərt sözlər: "Bu, şərəfsizliyin ən son həddidir!”
Biləsuvar Rayon Polis Şöbəsinə İkinci Qarabağ müharibəsi şəhidi Cavid Mahmudovun xatirəsinə tikilmiş abidənin qarşısından 4 ədəd gül dibçəyinin oğurlanması barədə məlumat daxil olub.
Polis əməkdaşlarının keçirdikləri əməliyyat-axtarış tədbirləri nəticəsində oğurluq əməlini törətməkdə şübhəli bilinən Əsgərabad kənd sakini Z.İbrahimli müəyyən edilərək saxlanılıb.
Mövzu ilə bağlı Polemika.az-a danışan müğənni Xuraman Şuşalı bu hadisəni rəzalət adlandırıb:
“Oğurluq dində də haram sayılır. İkincisi, bu əmələ əl atan adam rəzil hərəkət edib. Biz həmişə görmüşük ki, oğrular dəyərli, gəlir gətirən əşyaları oğurlayıblar. Bu artıq insanın şərəfinin yerlə bir olmasıdır ki, şəhid qəbrindən nəsə oğurlayasan. Həmin şəxsin nəinki əliəyridir, həmçinin qanı xarabdır! Yəqin ki, onun qanında qarışıq var. Əgər azərbaycanlı qanı axsa idi, heç vaxt şəhid məzarına gözünü dikməzdi. Ondansa, gedib əl açıb dilənərdi. Bu, şərəfsizliyin ən son həddidir!”.
Əsmətxanım
