Türkiyə çempionatında Azərbaycan dueli: Ələskərovun komandası qalib gəldi
Polemika
0
42
Türkiyə çempionatında Azərbaycan dueli: Ələskərovun komandası qalib gəldi
Futbol üzrə Türkiyə I liqasının XI turunda Azərbaycan dueli baş tutub.
Polemika.az xəbər verir ki, Namik Ələskərovun çıxış etdiyi "Bursaspor" Vüsal İsgəndərlinin formasını geyindiyi "Keçiörengücü"nü qəbul edib. Bursa Atatürk Stadionunda keçirilən oyun meydan sahiblərinin 2:0 hesablı qələbəsi ilə başa çatıb.
Azərbaycan millisinin hər iki futbolçusu meydana start heyətində çıxıb. 53-cü dəqiqədə sarı vərəqə ilə cəzalandırılan İsgəndərli 74-cü dəqiqədə Talha Yünkuşla əvəzlənib. Ondan 1 dəqiqə öncə isə Ələskərovun yerinə meydana Elton Akolatse daxil olub.
Qeyd edək ki, bu qələbədən sonra xallarını 14-ə çatdıran "Bursaspor" 7-ci pilləyə yüksəlib. 7 xalı olan "Keçiörengücü" isə 19 komanda arasında 18-ci sırada qərarlaşıb./Report
