"Taliban" sələflərinin əmlakını qaytaracaq
Polemika
"Taliban" sələflərinin əmlakını qaytaracaq
Müvəqqəti "Taliban" hökumətinin Nazirlər Şurası Əfqanıstanın keçmiş hökumət rəsmilərinin evləri və şəxsi avtomobillərini geri qaytarmaq qərarına gəlib.
Polemika.az "Tolou News"a istinadla xəbər verir ki, bununla əlaqədar Baş nazirin müavini Əbdülsalam Hənəfinin başçılıq etdiyi işçi qrup müəyyən edilib. İşçi qrupa daxili işlər, müdafiə, kəşfiyyat nazirlikləri, eləcə də bələdiyyələrin nümayəndələri daxil olunub.
Şura keçmiş dövlət məmurlarından miras qalan və ya sahibləri hələlik naməlum evlərin və şəxsi avtomobillərin geri qaytarılmasına cavabdehlik daşıyır.
"Taliban" sözçüsü Zəbihullah Mücahid işçi qrupun hələ fəaliyyətə başlamadığını bildirib.
Xatırladaq ki, köhnə rejimin süqutundan sonra keçmiş hökumət məmurlarının evləri və şəxsi maşınları müsadirə edilib. Eyni zamanda, qruplaşmanın 650-dən çox üzvü "Taliban"ın adından sui-istifadə edərək özgə əmlakını qanunsuz müsadirə etdiyi üçün təhlükəsizlik qüvvələrindən uzaqlaşdırıb.
