Rusiyanın cavab tədbirləri - Bu ölkələr üçün hava məkanı qapandı
Polemika
Rusiyanın cavab tədbirləri - Bu ölkələr üçün hava məkanı qapandı
Rusiya Avropa ölkələrinin Rusiya təyyarələri üçün hava məkanını bağlamaq qərarına cavab tədbirləri görüb.
Polemika.az "RİA Novosti"yə istinadla xəbər verir ki, bu barədə Federal Hava Nəqliyyatı Agentliyinin məlumat yayıb.
Məlumatda deyilir: “Beynəlxalq hüquq normalarına uyğun olaraq, Avropa dövlətlərinin Rusiya aviadaşıyıcıları tərəfindən həyata keçirilən və/və ya Rusiyada qeydiyyatdan keçmiş mülki təyyarələrin uçuşlarına qadağasına cavab olaraq, məhdudiyyət tətbiq edilib. 36 dövlətin aviadaşıyıcıları tərəfindən uçuşların həyata keçirilməsinə tətbiq edilib”.
Məhdudiyyətlər aşağıdakı ölkələrin aviadaşıyıcılarına təsir edəcək: Avstriya, Albaniya, Anqilya, Belçika, Bolqarıstan, Britaniya Virginiya adaları, Böyük Britaniya, Macarıstan, Almaniya, Cəbəllütariq, Yunanıstan, Danimarka (+Qrenlandiya, Farer adaları, Ərazi dənizi), Cersi, İrlandiya, İslandiya, İspaniya, İtaliya, Kanada, Kipr, Latviya, Litva, Lüksemburq, Malta, Hollandiya, Norveç, Polşa, Portuqaliya, Rumıniya, Slovakiya, Sloveniya, Finlandiya, Fransa, Xorvatiya, Çexiya, İsveç, Estoniya.
Bu ölkələrdən uçuşlar Federal Hava Nəqliyyatı Agentliyi və ya Rusiya Xarici İşlər Nazirliyinin verdiyi xüsusi icazə ilə həyata keçirilə bilər.
