“Qarabağ” “Omoniya” ilə matçda xal itirdi
“Qarabağ” “Omoniya” ilə matçda xal itirdi
Bu gün Konfrans Liqasının qrup mərhələsində 5-ci turun oyunları keçirilir.
Polemika.az xəbər verir ki, turnirdəki təmsilçimiz “Qarabağ” növbəti matçına çıxıb.
Qurban Qurbanovun komandası Bakıda Kiprin “Omoniya” klubunu qəbul edib. Matç 2:2 hesabı ilə başa çatıb.
Qrupun digər görüşündə isə İsveçrə “Bazel”i Qazaxıstan səfərində “Kayrat”la qarşılaşıb. Meydan sahibləri bu oyunda uduzmasalar, "Qarabağ" "Omoniya"ya qalib gəlməklə 1/8 finala vasiqəni təmin edə bilərdi. Ancaq görüş "Bazel"in 3:2 hesablı qələbəsi ilə başa çatıb və İsveçrə klubu 11 xalla qrup lideri olub. Bu isə o deməkdir ki, kimin 1/8 finala, kimin pley-offa gedəcəyi son turda bəlli olacaq. Qrupun sonuncu - 6-cı turunda "Qarabağ" məhz "Bazel"lə səfərdə qarşılaşcaq.
Qeyd edək ki, qrup lideri olan komanda birbaşa 1/8 finala yüksələcək. Qrupda 2-ci yeri tutan komanda isə Avropa Liqasında ən yaxşı qrup 3-cüsü olan 8 komandadan biri ilə pley-off oyununa çıxacaq.
25 noyabr
Avropa Konfrans Liqası
Qrup mərhələsi, 5-ci tur
21:45. “Qarabağ” (Azərbaycan) – “Omoniya” (Kipr) - 2:2
Qol: Dyuriç, 43-pen., Qomez, 90 - Psaltis, 49-avtoqol, Andrade, 88,
Qırmızı vərəqə: Kiko, 66 ("Omoniya")
Baş hakim: Morten Krox (Danimarka)
Tofiq Bəhramov adına Respublika stadionu