"Qarabağ" - "Kayrat" oyununa 13 min bilet satılıb
"Qarabağ" - "Kayrat" oyununa 13 min bilet satılıb
"Qarabağ"ın Konfrans Liqasının qrup mərhələsinin 3-cü turunda evdə "Kayrat"la (Qazaxıstan) matçına bilet satışı davam edir.
Klubun mətbuat xidmətindən Polemika.az-a verilən məlumata görə, indiyədək qarşılaşmaya 13 mindən çox bilet satılıb. Cəmi 2 min bilet qalıb.
Xatırladaq ki, Tofiq Bəhramov adına Respublika Stadionunda keçiriləcək oyuna koronavirus pandemiyası səbəbindən arenanın yalnız 50 faizi tutumunda azarkeş buraxılmasına icazə verilib.
Əlavə edək ki, oktyabrın 21-i oynanılacaq "Qarabağ" - "Kayrat" görüşü saat 20:45-də başlayacaq.