"Paşinyanın gözü qorxub, aqibətini gözləyir" - Vanetsyan
Polemika
"Paşinyanın gözü qorxub, aqibətini gözləyir" - Vanetsyan
"Bu hakimiyyət əzab içərisindədir, iqtidarda qala bilməzlər".
Polemika.az "Armenian News"a istinadla xəbər verir ki, bunu noyabrın 25-də keçirdiyi mətbuat konfransında parlamentin “Mənim şərəfim var” fraksiyasının rəhbəri, Milli Təhlükəsizlik Xidmətinin keçmiş direktoru Artur Vanetsyan deyib.
Onun sözlərinə görə, Paşinyan hökumətinə verilən möhlət ictimai dəstəkdən asılıdır.
“İctimai və siyasi xadimlərin təşkil etdiyi hərəkat küçələrdə geniş vüsət alır. Mən hər kəsi hərəkatda iştirak etməyə təşviq etmək istəyirəm. Hərəkat iştirakçılarından xahiş edərdim ki, konkret tələblər irəli sürsünlər, sənədi dərc etməsinlər, çünki Paşinyan deyəcək ki, sənəd yoxdur.
Nikolu tanıyan biri kimi deyirəm, bu adamın gözü qorxub, aqibətini gözləyir. Əgər onunla hansısa sənədlə bağlı müzakirəyə başlasanız, ölkədə bu bəhsdə onu məğlub edə biləcək adam yoxdur”, - deyə Vanetsyan qeyd edib.
