Mariya Zaxarova regionda yolların açılması şərtlərindən danışdı
Polemika
Mariya Zaxarova regionda yolların açılması şərtlərindən danışdı
"Biz belə bir fərziyədən çıxış edirik ki, blokadaya alınmış marşrutlar üzrə beynəlxalq daşımalar beynəlxalq müqavilələr və tərəflərin hər birinin milli qanunvericiliyi əsasında həyata keçiriləcək".
Polemika.az "Interfax"a istinadla xəbər verir ki, bunu noyabrın 25-də keçirdiyi brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
O, blokadadan çıxarıldıqdan sonra kommunikasiyalara nəzarət barədə sualı cavablandırarkən deyib:
“Bildiyiniz kimi, biz 9 noyabr 2020-ci il və 11 yanvar 2021-ci il tarixlərində ən yüksək səviyyədə əldə edilmiş razılaşmaların ardıcıl şəkildə həyata keçirilməsinin tərəfdarıyıq. Bunlar, digər məsələlərlə yanaşı, Cənubi Qafqazda iqtisadi və nəqliyyat əlaqələrinin açılmasına da aiddir. Bu mühüm vəzifə ilə üç ölkə Baş naziri müavinlərinin həmsədrlik etdiyi üçtərəfli işçi qrupu məşğul olur. Məsələlərin bütün spektrini Rusiya Federasiyası Baş nazirinin müavini Aleksey Overçuk İrəvana və Bakıya səfəri zamanı müzakirə edib.
Biz regionda nəqliyyat əlaqələrinin açılması ilə bağlı razılaşmaların əldə olunması üçün yaxşı perspektivlər görürük. Təbii ki, bütün tərəflərin maraqlarının balansı nəzərə alınmaqla. Biz həmçinin, bağlanmamış marşrutlar üzrə beynəlxalq daşımaların beynəlxalq müqavilələr və tərəflərin hər birinin milli qanunvericiliyi əsasında həyata keçiriləcəyini ehtimalından irəli gəlirik”.
