"Hazırda fikrimiz “Qarabağ”dadır”- Henninq Berq
Polemika
"Hazırda fikrimiz “Qarabağ”dadır”- Henninq Berq
“Çətin olsa da vacib qələbə qazandıq. Futbolçularım xarakter, mentalitet nümayiş etdirdilər”.
Polemika.az xəbər verir ki, bunu “Qarabağ”ın Konfrans Liqasının qrup mərhələsindəki rəqibi “Omoniya”nın baş məşqçisi Henninq Berq Kipr çempionatında “Aris”lə keçirilən oyundan sonra söyləyib.
3:0 hesabı ilə qalib gəldikləri matçı dəyərləndirən məşqçi “Qarabağ”la keçiriləcək V tur oyununda heyətdə dəyişikliklər olacağını açıqlayıb:
“Hər matça fərqli yanaşırıq. İndi “Qarabağ”la qarşılaşacağıq, ən yaxşı oyunumuzu göstərməyə çalışacağıq. Heyətdə dəyişikliklər olacaq. Bəzi oyunçular üçün fürsət yaranacaq. Bundan sonra APOEL-lə görüşə baxacağıq. Bu, bizim üçün daha bir böyük oyun olacaq. Hər matçı ayrıca nəzərdən keçiririk. Hazırda fikrimiz “Qarabağ”dadır”.
