COVID əleyhinə əlavə 30 milyard dollar - Baydenin planı
Polemika
COVID əleyhinə əlavə 30 milyard dollar - Baydenin planı
ABŞ prezidenti Co Baydenin administrasiyası ölkədə COVID-19-un daha da yayılmasının qarşısını almaq üçün əlavə 30 milyard dollar icazə verilməsi tələbi ilə Konqresə getmək niyyətindədir.
Polemika.az “Associated Press”ə istinadla xəbər verir ki, bu barədə Ağ Ev mənbələri məlumat yayıb.
Onların sözlərinə görə, peyvənd və müalicələrə 17,9 milyard dollar, testlərə 4,9 milyard dollar, sığortası olmayan insanların koronavirusa yoluxmasına 3 milyard dollar, gələcəkdə virusun yeni variantlarının mümkün yaranmasına hazırlıq üçün isə 3,7 milyard dollar xərclənməsi planlaşdırılır.
Əlavə maliyyə tələbinin Konqresdə necə qəbul ediləcəyi hələlik bəlli deyil. Respublikaçılar əsas vəsaitləri ölkə daxilində virusun yayılması ilə mübarizəyə, xüsusən də biznesə kömək etməyə yönəltmək istəyirlər. Mütərəqqi Demokratlar yoxsul ölkələrə peyvənd etmək üçün daha çox səy göstərməyi müdafiə edirlər.
ABŞ virusa yoluxanların və ölənlərin sayına görə dünyada liderlik etməkdə davam edir. Amerika Cons Hopkins Universitetinin məlumatına görə, çərşənbə günü Moskva vaxtı ilə səhər saat 7:00-a olan məlumata görə, ABŞ-da 78 milyondan çox yoluxma halı və 925,4 min ölüm halı aşkar edilib.
