“Bavariya” “Zalsburq”u darmadağın etdi, “Liverpul” evdə “İnter”ə uduzdu
“Bavariya” “Zalsburq”u darmadağın etdi, “Liverpul” evdə “İnter”ə uduzdu
UEFA Çempionlar Liqasında 1/8 final mərhələsinin cavab görüşlərinə start verilib.
Polemika.az xəbər verir ki, ilk oyun günündə növbəti mərhələyə vəsiqə qazanan 2 komanda məlum olub. Bunlar Almaniya "Bavariya"sı ilə İngiltərə "Liverpul"udur.
"Bavariya" Avstriyada "Zaltsburq"la 1:1 hesablı heç-heçə etdiyi ilk qarşılaşmanın revanşında böyük hesablı qələbəyə imza atıb - 7:1.
"Liverpul" isə İtaliyada 2:0 hesabı ilə məğlub etdiyi "İnter"ə öz meydanında minimal hesabla uduzub. Beləliklə, "Liverpul" iki oyunun yekununda daha üstün olduğu üçün mərhələ adlayıb.
UEFA Çempionlar Liqası
1/8 final, cavab oyunları
8 mart
00:00. "Liverpul" (İngiltərə) - "İnter" (İtaliya) - 0:1
Qol: Lautaro Martines, 62
Qırmızı vərəqə: Aleksis Sançes, 63 ("İnter")
Baş hakim: Antonio Migel Mateu Laos (İspaniya)
İlk oyun - 2:0
00:00. "Bavariya" (Almaniya) - "Zaltsburq" (Avstriya) - 7:1
Qollar: Robert Levandovski, 12 (pen.); 21 (pen.); 23. Serj Qnabri, 31. Tomas Müller, 54; 83. Leroy Sane, 85 - Maurits Kyerqor, 70
Baş hakim: Klement Turpin (Fransa)
İlk oyun - 1:1.