2 futbol matçına biletlər satışa çıxarıldı
Polemika
2 futbol matçına biletlər satışa çıxarıldı
DÇ-2022-nin seçmə mərhələsində keçiriləcək Azərbaycan-Lüksemburq və Azərbaycan-Qətər yoldaşlıq oyununun biletləri bu gündən satışa çıxarılıb.
Polemika.az AFFA-ya istinadən xəbər verir ki, koronavirus pandemiyası ilə əlaqədar qarşılaşmaya stadionun azarkeş tutumunun 50%-i qədər azarkeş buraxılacaq.
Biletlərin qiymətləri kateqoriyalara uyğun olaraq 2 manat, 5 manat, 10 manat və 15 manatdır.
Azarkeşlər stadiona COVID-19-la bağlı sanitar-gigiyenik prosedurlara riayət olunması şərtilə daxil ola biləcəklər.
Həm Lüksemburq, həm Qətərlə oyunun biletlərini iTicket mobil tətbiqi, veb saytı və ya “Gənclik Mall” və “28 Mall”da yerləşən iTicket bilet satış məntəqələrindən əldə etmək olar.
Pandemiya ilə əlaqədar təması minimuma endirmək məqsədilə biletlər elektron formada təqdim ediləcək. Mobil tətbiq və ya veb-saytdan elektron bilet əldə etdikdə, həmin bilet alıcının e-mail ünvanına göndərilir və ya şəxsi kabinetində görünür.
Qeyd edəl ki, Azərbaycan yığmasının Lüksemburqla oyunu noyabrın 11-də, Qətərlə matçı isə noyabrın 14-də baş tutacaq.
Mehri Qurban
Click here to Reply or Forward
